El gobierno del ciudad de Isabela, Basilan ya dale del Viernes total de P315,000 incentivos de fin del año con el 45 Barangay Information Officers Network (BION) del mencionao ciudad.
Asegun con el oficina de informacion publico del ciudad de Isabela, cada uno del 45 miembros del BION ya recivi P7,000 incentivo de fin del año, o suma total de P315,000.
Asegun con el dalida del incentivo es parte del compromiso para apodera con el miembros del BION, reconociendo de ila dedicacion y buen trabajo para promove un sociedad ilustrada y apoderando con mga Isabeleños.
El mga meimbros del BION na ciudad de Isabela ya principia recivi incentivos de fin del año bajo el administracion del Alcalde Sitti Djalia Turabin-Hataman como parte del su agenda de maxima prioridad para proporciona un transparente, participativo, efectivo y eficiente gobernancia para con mga Isabeleños.
El de ila asignacion trimestral de P3,000 cada uno ya paga ya tamen de mas temprano del otro semana. (B. Garcia)