El Western Mindanao Command (Westmincom) ya inicia cambio na liderato del Headquarters and Headquarters Company (HHC) del Viernes.
Asegun con el Westmincom, con Major Franklyn Daquel ya instola como el nuevo comandante del HHC na un ceremonia del cambio del mando.
Asegun con el Westmincom, si Daquel ya releva con Tiniente Coronel Leoncio Magpantay, quien hay retira ya na servicio militar.
Antes su nuevo designacion, si Daquel ya servi como el diputado comandante na oficina del inspector general del mando.
Na su discurso, si Magpantay ya rendi gracias con el familia de HHC que ya hace su años na mando significativo, citando experiencias ya forma su faceta personal y profesional.
Na su parte, si Daquel ya reconoce su nuevo responsibilidad que ya otorga conele y ya promete hace su deber con maxima dedicacion y pasion.
Si Major General Antonio Nafarrete, el hefe del Westmincom, amo el ya encabesa con el ceremonia del cambio de mando que ya conduci na Campo Navarro, que ta servi como el casa del cuartel del mando. (B. Garcia)