Zamboanga: Mga personajes del pulisiya ya aresta con un person y ya confisca valor de dosientos sincuenta mil de pesos cantidad de smuggled cigarillo anoche alla na provincial del Zamboanga Sibugay

Si Coronel Richard Verceles, el operations chief del Area Police Command-Western Mindanao, ya nombra con el arestao suspechao como si Zalby Abdul, sincuenta’y dos anios del edad y residente del Parang, Sulu.

Visit RPN DXXX Zamboanga

Asegun con Verceles con Abdul ya aresta maga alas onse anoche na Purok 3, Barangay Dacanay, Siay, Zamboanga Sibugay.

Si Verceles ya habla cay el maga personajes del pulisiya na Zamboanga Sibugay ta conduci checkpoint cuando ya manda sila para con un vehiculo que ta maneja si Abdul para inspecciona.

Durante el inspeccion, ya descubri maga pulis cay ta lleba si Abdul 10 cahon de cigarillo que tiene el cantidad de dosientos sincuenta mil de pesos sin el necesaryo document.

Con Abdul, el vehiculo y maga confiscao cigarillo ya pone bajo el temporaryo custodiya del pulisiya na Siay, Zamboanga Sibugay. (Bong Garcia)