Alas dos curenta’y seis del tarde julyo onse dos mil veinte dos, un miembro del Phil.Coast Guard nombrao como si PPO1 Muamar A.Arasa cuarenta’y singko anios del edad presentamente designao na PPA y residente del Brgy Tumaga en este ciudad.
Ya aparese na Zamboanga City Police Station 11 ya conduci con el nombarao si Jiego Batangas Libansa trenyta’y ocho anios el edad nativo de Cucub Gutalac Zamboanga Del Norte.
Na investigacion ta aparese banda ala una-curenta’y dos ayer tarde este si Batangas un pasajero para na Bongao Tawi-Tawi cuando ya pasa asegun na x-ray scanner el operator ya chene duduso el cargao na sako inibre. El operator na asistensya di PPO1 Arasa ya chekya con el sako y ya puede discubri un REVOLVER CAL. 357 chene seis maga bala ,cuatro bolo, un dagger andentro na un sako. Si Batangas detenido na quarter de Police Station 11 por el mas pa del investigacion. (April Boy Regino)