Zamboanga: Marinero muerto, esposa y anak irido na accidente vehicular

0
7

Un marinero el ya muri y dos otro el ya iri na un accidente vehicular na costa este del ciudad, asegun con el policia del Martes.

Asegun con el policia local, el acciedente ya ocuri mga alas 9:25 del Lunes denoche na Barangay Divisoria, 6.2 kilometros este del ciudad de Zamboanga.

Asegun con el policia local, con el fatalidad ya conose como si Julius Cesar Achumbre, 32 años el edad y residente de Barangay Lanzones, en este ciudad.

Con el mga irido ya conose como canda Jelly May, 32 años, el esposa de Julius, y de ila 3 años anak, si Aiden Luke.

Base na investigacion del policia, ta maneja motorsiclo si Julius para na direccion de costa este y ta sigui conele ancas su esposa y anak cuando ya man bangga canila un trak que ta maneja si Alvin Bacaron que ta viaja na semehante direccion.

Asegun con el policia, ya man bangga el trak que ta maneja si Bacaron con el motorsiclo despues que ya man suplut el preno del trak.

Con el mga victima ya lleba na hospital pero ya declara muerto con Julius el doctor mientras admitido su esposa y anak.

Nohay pasa nada con Bacaron, 24 años el edad y residente del Purok 6, Barangay San Carlos, ciudad de Valencia.

(B. Garcia)

Leave a Reply