Malampusong napahigayon ang “Ribbon Cutting and Blessing of Farm Machineries, and Turn-Over” alas 9:00 sa buntag, Enero 9, 2024 didto sa City Agriculture Demo Farm, sa Barangay Olingan, dakbayan sa Dipolog.
Gihimo ang pormal nga turnover sa key of responsibility gikan sa lokal nga kagamhanan sa Dipolog ngadto sa DCS-ARCSP nga gisangkapan sa makinarya sa agrikultura, sa Turno (ZNNHS Campus), kauban ang Sta. Felomina Cooperative ug Sinaman Farmers Association, nidawat usab sa Composting Facilities.
Ang makinarya nga gihatag naglangkob sa duha (2) ka units sa 4-wheeled Tractor with Rotavator and Trailer, usa (1) unit Combine Harvester with Transport Trailer, tulo (3) Units sa Rice Reapers ug usa (1) unit Irrigation Pump with Complete Accessories.
Dugang pa ni Sigun, nga adunay kinatibuk-ang kapin sa 6 milyones ka pesos gikan sa Agrarian Reform Communities Project II – Performance Based Grant System (ARCPII-PBGS) nga gihatag ngadto sa kagamhanang lokal ning dakbayan, alang sa pagpalit sa maong mga makinarya aron mapalambo pa ang atong Farm Mechanization Program.
Nunot sa maong kalambuan, gibati og kalipay ang mga nakadawat sa kagamhanang lokal ning dakbayan, sa dakong tabang nga gihatag sa sektor sa mga mag-uuma dinhi sa atong dakbayan.
(Source: Dipolog City Government Facebook Page)