Tag blessingan na kuman na adlaw, Enero 9, 2024, an mga bag-ong ekwipo nan Lokal na Panggamhanan nan Surigao.
Niapil sa pag blessing si City General Services Office Head Engr. Dionisio N. Boquid, Jr.
Lakip sa mga bag-ong ekwipo an isa ka Landing Craft Transport na gamiton kun jaoy kinahanglan e karga na mga kargo pasingud sa mga isla, isa ka Sea Ambulance gamiton para sa pag responde kun jaoy emergency sa dagat sanan sa mga isla, isa ka Boom Truck para kun jaoy e karga na mga sakyanan hilabi na kun jaoy madakpan na wala musunod sa balaod sa trapiko, sanan lima ka Dump Truck para sa pagkuha o pag kolekta nan mga basura sa siyudad.
Kini tungod sa pag paningkamot nan Lokal na Panggamhanan sa Siyudad sanan dugang na mga plano ni Mayor Pablo Yves L. Dumlao II para mapadali an pag serbisyo sa 54 ka barangay na sakop sa siyudad.
(Source: Surigao City PIO Facebook page)