El mando Regional del Policia bajo’l liderato de Brigadier General Bowenn Joey Masauding, el Director Regional, comitido implementa agresivo y honesto operaciones para implementa el ley con el objeto para reduci el proliferacion del mga pusil sin licensia na Zamboanga Peninsula.
Base na datos del division de operacion regional, el mando regional del policia exitosamente ya confisca total de 43 armas de fuego sin licensia na Zamboanga Peninsula desde alas 12 de aga del Febrero 20 hasta alas 9:01 del Febrero 21 este año.
Asegun con el mando regional del policia, el operacion es parte del ta continua esfuerzo para mejora el proteccion y seguridad del public na region.
Ademas, desde Enero 1 hasta Energo 31, 2024, total de 124 pusil sin licensia el ya confisca, rindi y recubri como parte del continuando esfuerzo del mando regional del policia para combate con el ilegal posesion y bendida.
(B. Garcia, photo courtesy of Police Regional Office-9)
