Ya beneficia el maga residentes del Barrio Dita en este ciudad, conel maga servicio del govierno despues conduci recientemente el Retooled Community Support Program o (RCSP), Ugnayan sa Barangay and Serbisyo Caravan.
El mentionao actividades ya organiza el Department of the Interior and Local Government Zamboanga City Field Office na socio del govierno local, govierno national y socio del privado sector.
lleno de alegria y excitacion el ambiente del mentionao barrio, porcausa ya tiene oportunidad maga residentes provecha maga klase variedad de servicio publico y maga programa de govierno.
Ya proporciona tambien el caravana informacion de asistencia relatao na salud, buscada lavida, y otros pa servicio social con objeto para mejora el qualidad de vida del maga residentes local.
Uno del maga mayoria de punto concentrada na evento, el que sellama community dialogue, donde el maga residentes y maga miembros de Yakan, Sama-Bangingi, y comunidad de Tausug ya comparti diila maga concierne y la prioridad de desarollo.
Diila participacion ay un grande ayuda conel oficiales local para na adelantamiento del Barangay Development Plan y tambien para mejora el direccion necesidades del comunidad.
Mientrastanto, ya expresa gratitud el DILG Zamboanga City Field Office conel consejo del Barrio Dita que ta encavesa el jefe del barrio honorable Samat Nasa, socio agencias, maga voluntario, partes interesadas quien ya toma parte y ya dale diila todo cooperacion para sale exitoso el mentionao caravana. (Keith Luna)
Photos courtesy via: John Badilles