El Alcalde Maria Isabelle Climaco-Salazar ya pidi con el bombero, pulisiya local y City Disaster Risk Reduction Management Office para ase un ondo investigacion sobre el kema ayer alas nueve del aga alli na City Hall.
Este despues que si Salazar ta cre cay tiene algunos kiere ase sabotage con su administracion maskin ta aserca ya el fin del su termino como alcalde del ciudad.
Si Salazar ay abaja na puesto na Hunyo treynta que ta indica el fin del su tres termino dentro de nueve anios como alcalde.
Si Salazar ya habla cay nohay verdad el alegacion cay tiene maga documentos na City Hall ya kema o ya manda ele kema.
Porcausa del incidente, ya suspende por un rato hora el trabajo na City Hall.
Si Salazar ya manda resumi el trabajo na city hall cuando ya puede ya apaga con el fuego.
Ya rindi gratitude el alcalde con maga personajes del City Hall kien ya ayuday apaga con el fuego. (April Boy Regino)
