Mas fresko maga peskaw y mas korto hora de transportasyon el ya man grant cay porcausa valor de katorse y otsenta’y sinco milyon camino de barangay Baybay, Liloy, Zamboanga del Norte el ya kumpleta ya.
El departamento del Public Works and Highways Zamboanga del Norte 2nd District Engineering Office (ZNDEO) ya pwede ya hace acaba el total de syete cientos cuarenta’y seis y cuarenta centimo metro de camino para man improve el mobilidad del maga farm goods na vicinidad.
El mencionao barangay asegun conosido riko de maga produkto de agrikultura como el maga gulay, peskaw y otros pa maga raw materials que ta usa na kusina.
Con el kompletasyon del conkreto camino, un segurao y mas fronto transportasyon el ya promete para con el maga residente.
El DPWH ta continua hace diila misyon para dale y man manage el kalidad del maga infrastraktura para asisti con el maga necesidad del kada hente.
Este asegun camino del barangay uno lang del miles proyekto de mencionao Departamento que ta servi manera para man improve el vida del maga residente de Barangay Liloy. (Erica B. Javier, photos courtesy of DPWH Regional Office IX)