El Technical Education and Skills Development Authority (TESDA) hunto con el Philippine Commission for the Urban Poor (PCUP) y Housing and Land Management Division (HLMD) baho na oficina del alcalde del ciudad ya encabesa el conducimiento del Kabuhayan Caravan como un manera para ase engrande con el maga myembro mujeres del Homeowners Associations por medio de dalida del maga entrepreneurial ideya que ay beneficia el maga mujeres y de este familia.
El Kabuhayan Caravan asegun un aktibidad actualmente ta man target con el HOA’S y Urban Poor Associations na diperente maga barangay.
Del pasaw semana, el maga demonstrasyon del training na proseso de comida para na siopao, longganisa y peskaw tempura ya hace na Ayala Central School con maga participante estaba na Advent Home Owners Association Phases 1 y 2, Ayala Calle Carmen Urban Poor Association y Tulungatung Zone-1B Urban Poor Association.
El mencionao Caravan tambien ya hace na otros pa Barangay como el San Roque y Tulungatung que ya dale demonstra el hacida del Siopao Beef Asado y Beef Siomai.
Sumatotal, el aktibidad ya significa el progreso con maga cooking skills del maga mujeres que ay pwede utilisa para prinsipya un negosyo. (Cristine Falcasantos, photos courtesy of HLMD)
