El Joint Task Force (JTF)-Orion ya conduci un Joint Maritime Security Training Exercise (JMSTX) hunto con el 6th Special Force Battalion y 15th Civil-Military Operations Battalion na provincia del Sulu.
Asegun con el JTF-Orion, el ejercicio ya conduci del otro semana na Barangay Bonbon, Patikul, Sulu.
Asegun con Tiniente Coronel Franco Baylon, el Assistant Chief of Staff for Education and Training del 11th Infantry Division (11ID), el JMSTX intendido para mejora el competente y fortalece el camaraderia del mga particpantes.
Asegun con Baylon, el JMSTX ya usa tamen equipajes de militar para el defensa de seguridad interno y externo y para responde na diferente situacion.
Na su mensaje, si Major General Ignatius Patrimonio, el comandante del 11ID y JTF-Orion, ya extende su gratitud con el mga tropas y mga partes interesadas asociadas quien ya participa na ejercicio.
“Este ejercicio hinde lang hay mejora el capabilidad del de aton mga tropa sino ay prepara tamen canaton para asegura el seguridad del de aton comunidad costal contra amenaso de maritima. Hay mantene este el integridad del de aton teritorio por medio de patrulla de seguridad maritima,” si Patrimonio ya habla.
“El JTF-Orion hay continua sustene con el duradero paz y seguridad na mga provincias de Sulu y Basilan. Con el continuando colaboracion y suporta del deaton agencias de gobierno local, puede came asegura cay hay esta came comprometido para servi con el hente y proteje con el tiera,” si Patrimonio ya omenta.
Con el conducida del ejercicio ya atende el mga oficiales del fuerza militar del Pilipinas y Estados Unidos. (B. Garcia)
