El gobyerno local de Zamboanga por medjo del City Health Office ya asigura que el Indigenous People Community y otro eligible sector ay incluido na Covid-19 vaccination roll-out que obheto di este para proteje con el maga residente na severe illness porcausa na Covid-19 virus.
Donde 141 maga estudyante del Bihing tahik Primary School na Barangay Rio Hondo bajo na Sta.Catalina District ya risibi con el diila second dose de Covid-19 vaccines del Martes,Hunyo 14,2022 y ara considerando como fully vaccinated ya. El maga estudyante talyi na 5 anyo hasta 11 anyo que miyembro del tribo de Saqmal y Badjao.
Otro tambien 55 estudyante de Bihing Tahik que tali na edad de 12 anyo hasta para 17 anyo ya risibi tambien diila first primary dose. El otro Indigenous Communities na otro maga barangay ay dale tambien oportunidad el maga Health Worker para puwede risibi bakuna contra Covid-19 pormedjo del house-to-house vaccination. (Cristine Falcasantos)