Un almacen de madera (lumber yard) el ya destrosa na un incendio na Barangay Sta. Maria, en este ciudad, el Zamboanga City Fire District (ZCFD) ya habla del Domingo.
Asegun con Superintendent Christopher Morales, el hefe del ZCFD, el incendio ya principia mga alas 11:24 del Sabando denoche y ya puede apaga mga bombero mga alas 12:13 del Domingo aga.
Si Morales ya habla cay totalmente ya man uput el “lumber yard” de Michael Fabian na Agan Avenue Extension Barangay Sta. Maria.
Asegun con Morales el cantidad del destroso de propiedad ya alcansa na P3.6 millones.
Asegun con Morales, ta precura pa sila determina si cosa el causa del incendio que ya alcansa na primer alarma. (B. Garcia)