Un establicimiento de negocio el ya destrosa na serca un hora incendio na ciudad de Zamboanga, asegun con el Zamboanga City Fire District (ZCFD) del Sabado.
Asegun con Superintendent Christopher Morales, el ZCFD marshal, el incendio ya ocuri mga alas 3:08 del Sabado aga na Veterans Avenue, Barangay Zone 3, ciudad de Zamboanga.
Asegun con Morales, el incendio que ya destrosa con el un establicimiento de negocio, ya alcansa na segundo alarma.
Asegun con Morales, con el fuego ya puede controla mga bombero mga alas 3:22 del aga y completamente ya puede apaga mga alas 3:43 del aga.
Si Morales ya habla, el incendio ya causa estimao valor de P3.5 millones destroso de propiedad.
Asegun con Morales, ta continua pa de ila investigacion para sabe si cosa el causa del incendio. (B. Garcia)