El mga autoridad ya aresta un persona ta transporta valor de mas de media millon de pesos smuggled cigarillo na provincia del Zamboanga del Sur, asegun con el policia del Sabado.
Si Bowenn Joey Masauding, el director del mando regional del policia, nohay identifica con el arestao individual puera lang de habla’r el arestao persona es un 33 años chufer.
Asegun con Masauding, con el chufer ya aresta mga alas 10:17 del Jueves denoche na Purok Talisay 2, Barangay Lower Landing, Dumingag, Zamboanga del Sur.
Asegun con Masauding, el mga operativas ta conduci operacion de checkpoint cuando ya intercepta sila con un vehiculo ta transporta grande valor de contrabando.
Si Masauding ya habla, el mga operativas ya confisca 490 reams de smuggled cigarillo que tiene el valor de P527,160.
Asegun con Masauding, el operacion es parte del en curso esfuerzo del mando regional del policia y Buro de Aduana para pone fin con el actividades de smuggling na region, particularlmente el comercio ilicito del mga productos de tobacco.
Con el mga confiscao smuggled cigarillo, ya entrega na Buro de Aduana para el propio disposicion. (B. Garcia)