Zamboanga: HVT suspechao ya aresta, P340,000 droga ya confisca mga autoridad

0
5
(Photo courtesy of PDEA Regional Office BARMM)

Un high-value target (HVT) el ya aresta y valor de P340,000 droga ilegal el ya confisca mga autoridad na un campaña contra droga na provincia del Maguindanao del Sur, asegun con el Philippine Drug Enforcement Agency (PDEA) del Jueves.

Si Gil Cesario Castro, el director del PDEA na Bangsamoro Autonomous Region in Muslim Mindanao (BARMM), ya nombra con el arestao HVT suspechao como si Jomarie Kabucan Sakilan, alias Akub, 27 años el edad y residente de Barangay Matilak, Kabuntalan, Maguindanao del Norte.

Asegun con Castro, con Sakilan ya aresta na un operacion de compra busto na Barangay Kanguan, Datu Piang, Maguindanao del Sur, del Miercoles.

Asegun con Castro, ya recubri na posesion de Sakilan un transparente sobrecito plastico que ta contene 50 gramos de suspechao shabu que tiene el valor de P340,000, dinero de compra busto, y un motorciclo.

Si Castro ya habla, con Sakilan ya detene na carcel del PDEA-BARMM en preparacion para el plantada del asunto contra conele por violacion del Comprehensive Dangerous Drugs Act of 2002.

Asegun con Castro, con el HVT suspechao ya aresta na un compra busto que ya conduci el combinao personajes del PDEA-BARMM, policia, y militar. (B. Garcia)

Leave a Reply