El mga personajes del oficina del Housing and Land Management Division (HLMD) ya conduci proceso de validacion na Calle Punta, Barangay Camino Nuevo donde ya quema el mga caserias na incendio del Viernes, Julio 26.
Asegun con el oficina del HLMD, el evaluacion enfocado na mga individuales, familiares, y estracturas que ya afecta na incidente de incendio.
“Este mga datos que ya colecta durante el proceso hay servi como base para el intervenciones del gobierno local con el objetivo para ayuda con aquellos afectao na desastre,” el HLMD ya habla na in declaracion del Martes.
Asegun con el HLMD, el semejante datos hay ayuda na plañada y implementacion del medidas de suporta, incluido temprario refugios y ayuda financial.
Total de 229 caserias el ya man uput na incendio o quema que ya ocuri del Julio 26 na calle Punta, Barangay Camino Nuevo, ciudad de Zamboanga.
Asegun con el bombero, el fuego ya principia na uno del mga casa y enseguidas ya man calayat para na mga otro caserias. (B. Garcia)