El Departamento de Obras Publica y Carreteras o DPWH ya completa exitosamente y ya entrega un nuevo facilidad de residencia accomodacion provincial que tiene el valor de P7 millones para el mejor participacion comunitaria por medio de infrastractura que ta mira el necesidades del pueblo Filipino.
Asegun con el oficina regional del DPWH del Martes, con el facilidad ya entrega con el mga oficiales del Barangay Sta. Clara, ciudad de Lamitan, na provincia de Basilan.
Asegun con el DPWH, el edificio de usos multiples con el total anchor del piso de 220 metros quadrado, ya construi con alocacion de P7 milliones.
“Este espacioso facilidad hay queda como el centro de varias actividades, incluido entrenos y seminarios, que es vital para na desarollo del comunidad,” ya habla el DPWH na un declaracion.
Asegun con el DPWH, el objetivo del edificio amo para servi con el estimao populacion de 6,106 residentes, proporconar un valuable evento para educacion y reunidas social.
Asegun con el DPWH, con el proyecto ya construi el oficina de ingenieria del distrito na ciudad de Isabela del DPWH. (B. Garcia)