El Philippine Coast Guard Station Zamboanga, ya pone bajo na alerto conel response teams diila, es parte na preparacion por el posible impact del Super Typhoon “INDAY” dentro na area de responsibilidad.
Bajo na orden del comandante del estacion Lieutenant Commander Vincent Bryan M. Marcos, el estacion ya activa conel Deployable Response Group para asegura cay el maga personajes, equipo de rescatada, y el recurso esencial ay preparao para na inmediatamente accion.
El activacion asegun, para fortaleza el capabilidad del Guardia Costera na respondida na posible emergencias, inclujido ya el operacion del busqueda y rescate, librao mision de maritima, asistencia humanitario, y respondida de disastre.
Todo unit del Guardia Costera, bajo na Station Zamboanga ya dale instruccion para continua observa el cambio del tiempo, condicion del lamar y el preparacion tambien para na rapido proporcionada y el organizao respondida en caso na costera o emergencias de maritima.
Ta coordina ya tambien, el estacion conel PAG-ASA, Zamboanga City Disaster Risk Reduction and Management Office, LGU, y otros pa maga socio agencias, para el aseguramiento na hora el dalida del condicion del tiempo y propio implementacion del medidas de emergencia.
Mientrastanto, el maga autoridades ta ace acorda conel publico para esta vigilante, evita el navegada na lamar durante el peligroso condicion del tiempo, y coopera conel instruccion del seguridad que ta dale el maga oficiales y el maga respondedores de emergencia. (Keith Luna)
Photos courtesy via: Cgs Zamboanga