Ya inagura anoche el govierno local con el nuevo construjido sidewalk na Barangay Zone Four, particularmente na distrito central de negocio del ciudad.
El inaguracion del proyecto ta sirvi parte na celebracion del Dia de Fundacion Chavacano que ya encabesa el Alcalde Maria Isabelle Climaco-Salazar hunto con Consehal Rogelio Valesco, representante del oficina del enhinieriya del ciudad y el contractor del proyecto.
El Proyecto ta incluwi el ponida de poste del Spanish lamp alli na Pettit Barracks, uno del mga historical sites del ciudad de Zamboanga.
Myentrastanto, el goveirno local ya ase un programa anoche que ta comemora con el fundacion de Chavacano.
El programa ya incluwi actividades de musica en chavacano, bailes y moda presentando el mascota de Zamboanga. (Cristine Falcasantos, photo courtesy of City Government of Zamboanga Facebook page)