El govierno local bajo el liderato del Alcalde John Dalipe ta ase ahora el necesaryo areglo para abre otravez na publico con el swimming pool alli na Pasonanca, particularmente el “Rotary” y “Wee-Wee pool”, para dale elternativo facilidades con mga residentes baho el situacion de nuevo normal.
El administrador del ciudad Mario Yanga ya convini un hunta del ayer tarder con mga concierne departamento y agencias para discuti mga posible detalyes para abre otravez con el mga swimming pool del ciudad alli na Pasonanca.
Ya serra con el mga swimming pools compuesto de Rotary, Wee-Wee y Tañada pools del Deciembre anio dos mil deci-nueve y ta esta serrao hasta este tiempo.
Bajo na ordinansa del ciudad cay dies pesos el pago para bania na swimming pool cada un persona que tiene el edad de seis anios y mas myentras libre bania mga bata menos de seis anios.
Dosientos pesos tamen el pago de arkiler del un “cottage” y sincuenta pesos para del “kiosks.” (Cristine Facasantos, photo courtesy of City Government of Zamboanga Facebook page)