Ya man hunta del ante-ayer el Administrador del Ciudad Mario Yanga con mga encargaoy personajes del diferente “economic enterprises” del ciudad.
Durante el hunta, ya tene oportunidad si Yanga para sabe si cosa el mga funccion del mga economic enterprises del govierno local.
El mga economic enterprises del ciudad ta incluwi el Matadero, parada del bus na Divisoria, Bagsakan Center, Tiangge de Sta. Cruz y el Mercao Publico na pueblo, Paseo Del Mar, Plaza Del Pilar y mga cementeryo na barrio Mampang y Talabaan.
El mga economic enterprises amo mga establisimientos donde ta encontra dinero el govierno local. (Cristine Falcasantos, photo courtesy of City Government of Zamboanga Facebook page)