El govierno local ta ase de fronto el cementada del camino que ta conecta con el Barangay Tugbungan, Putik y Boalan para sirvi un aleternativo pasada y para el conviniencia del mga motorista.
El completada del proyecto, que tiene el valor de cuarenta’y nieve punto ochenta’y nueve milyon de pesos, experansao ayuda afloja con el trafico siendo ay tene alternativo pasada el mga motorista por medio de nuevo camino.
El Alcalde Maria Isabelle Climaco-Salazar, hunto con otro oficiales del ciudad, ya inspecciona del Martes aga para mira el progreso del proyecto.
Asegun con Salazar cay el fondo para el implementacion del proyecto estaba na budget del govierno local para este anio.
El Proyecto esperansao complete dentro de siento sincuenta’ nueve dias. (Cristine Falcasantos, photo courtesy of City Government of Zamboanga Facebook page)