El Governadora Dulce Ann Hofer del Zamboanga Sibugay ya comenda con el fuersa militar por el deila sin descanso esfuerso na mantencion de paz y orden na su provincia.
Si Hofer ya ase el comendacion cuando ya visita conele del Miyercoles mga oficiales del fuersa militar que ta encabesa si Tiniente Heneral Roy Galido, el comandante del Western Mindanao Command (Westmincom).
Si Hofer, quien el “Regional Peace and Order Council chairperson”, con orgullo ya declara cay el provincia del Zamboanga Sibugay ta esta libre desde’l mga insurectos.
Ya atribuji conese si Galido con el sin descanso conducida de ofensiva militar y “Civil-Military Operations” con el colaboracion del govierno local y otros agencia.
Si Galido ya abla cay el buen relacion que ya puede sila establisa amo el llave na paz y progreso na Zamboanga Sibugay.
Asegun pa con Galido cay debe sila mejora pa mas el coordinacion para privini crimen y abre el fuerta de turismo del bonito provincia de Zamboanga Sibugay. (B. Garcia, photo courtesy of Westmincom PIO)