Ta ase un ondo investigacion el Zamboanga City Police Station 7 (ZCPS7) ahora para determina si quien el dos suspechao responsable na robo del mas de P1.5 milyones cantidad de alajas na un casa na Barangay Sta. Maria, este ciudad.
Asegun con Police Major Salvador Galvez, el hefe del ZCPS7, el incidente de robo ya ocuri mga alas 5:45 Huwebes madrogada na Pitis Patani Drive, Galvez Road, Barangay Sta. Maria.
Si Galvez ya habla cay el victima amo si Alnaida Awadi, 41 años el edad.
Base na investigacion, ya nota si Awadi cay abierto el bentana del kusina cuando ya llega ele na su casa estaba na residencia del su hermano.
Cuando ya chekya si Awadi, ya descubri le cay perdido el cahon del su alajas que ta conene 3 pedaso de King Fahad Goild Coins, pulseras, aretes, 3 cadenita de oro, y otro pa mga alajas con el estimao valor de P1,255,000.
Con el ichura del dos suspechao ya puede captura por medio de CCTV. Ya escapa sila dos abordo na un motorsiclo.
Ta continua el conducida del investigacion del ZCSP7 usando con el video na CCTV para determina el mga nombre del mga suspechao. (B. Garcia, photo courtesy of Zamboanga City Police Station 7)