El gobierno local formalmente ya reconoce con el siete Zamboangueño “topnotchers” na reciente “Respiratory Therapists Licensure Examination (RTLE)” cay ya dale sila honor y orgullo con el ciudad de Zamboanga.
Describida canila entre el mas mejor y inteligente na Zamboanga, el Alcalde John Dalipe ya presenta cada uno con el mga RTLE topnotchers plaque de reconocimiento del Lunes, que ta manifesta el recconocimiento y gratitud por el de ila exepcional actuacion durante el examinacion nacional para de respiratorio terapueta que ya conduci de mas temprano este mes.
El mga topnotchers que ya reconoce el gobierno local amo canda Mademoiselle Ann Alvarez, Top 4; Ruth Airha Espartero, Top 6; Patricia Alika Lim, Top 8; Jowena Jane Jabonitalla, Top 9; y canda Norliza Salamun, Cassandra Coligado, y Jocel Ann Enopia, Top 10.
Todo sila ya gradua na Universidad de Zamboanga (UZ) puera lang con Enopia quien ya gradua na Brent Hospital and Colleges.
Si Dalipe igualmente ya comenda con el administraciones del UZ y Brent por el calidad de educacion ta dale sila que ya resulta na topnotchers na RTLE.
(B. Garcia, photo courtesy of City Hall PIO)