El gobierno local que ta encabesa el Alcalde John Dalipe ya reconoce con dos empleyados quien ya pasa na reciente examin de licencia de quimico y tecnico quimico.
El dos employados del gobierno local quien ya pasa na examin amo canda Albert Ebol Hijo del Oficina de Medio Ambiente y Recursos Naturales del Ciudad y si Benlice Joanne Apolinario del Oficina de Salud del Ciudad.
Si Ebol ya pasa na examin de licencia de quimico que ya dale de Diciembre 13 hasta 14, 2023.
Si Apolinario ya pasa na examin de licencia de tecnico quimico del Diciembre 15, 2023.
Si Dalipe hunto con Jose Lucero, el hefe del Oficina de Gestion y Recursos Humanos del Ciudad, ya presenta Certificos de Reconosimiento con Ebol y Apolinario durante del ceremonia de la bandera en frente de City Hall del Lunes aga.
(B. Garcia, photo courtesy of City Hall PIO)