34.6 C
Manila
Sunday, April 21, 2024

Zamboanga: 38 nuevo soldao ya designa na 64IB

- Advertisement -

El 64th Infantry Battalion (IB) bajo’l liderato de Tiniente Coronel Abel Potutan ya extende un calurosa bienvenida con 38 nuevo soldao con quien ya designa na mencional mando por medio del tradicional ritual de recepcion.

El ritual de recepcion ya conduci del Sabado na quartel del 64IB na Barangay Tumajubong, Sumisip, Basilan del Sabado.

El mga nuevo soldao ya esta bajo el diferentes actividades de desapios como el carrera por Carretera, cinco estaciones de ejercisios militares, y a tradicional tomada del vino de caballeros como un juramiento de fiel na batallon.

Despues del diferentes actividades, ya tene sila un “boodle fight: hunto con el mga oficiales y personajes na comedor del 64IB.

Si Potutan ya enfatiza el papel crucial de disciplina, hablando el importancia si quemodo sigui mga orden, camaraderia, “team player” y trabaja con exelencia.

El ritual de recepcion es un rico tradiciones del fuerza armada del Pilipinas para reconoce y formalmente recivi con el mga nuevo designao personajes.

Ta servi el recepcion como un simbolo de unidad y camaraderie dentro del mando, ta dale mira un sentido de orgullo entre mga soldados.

El ritual de recepcion ta dale mira cay comprometido el batallon para na exellencia y profesionalismo.

El 64IB hinde lang ta enfatiza el importancia del mga soldados pero ta instila tamen el sentido del proposito y comprometido na mision en mano.

(B. Garcia, photo courtesy of 64IB)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -