El Philippine Navy (PN) ya inicia cambio na liderato del 1st Boat Attack Division (BAD) y BRP-Deluana (PG905), ambos bajo el control y operacion del Naval Forces Western Mindanao (NFWM).
Asegun con el PN, con el ceremonia del cambio del mando del BAD y PG905 ya administra si Commodore Francisco Tagamolila, Jr., el comandante del NFWM.
El ceremonia del cambio del mando ya conduci na Naval Station Romulo Espaldon, el quartel del NFWM, na Barangay Calarian, en este ciudad, del Martes.
Asegun con el NFWM, con Commander Jasper Abrenica ya designa como el nuevo comandante del BAD y ele ya releva con Commander Jaime Remigio.
El NFWM ya habla, con Commander Alvin De Luna ya designa como el nuevo comandante del PG905 y ya releva ele con Commander Louie To-ong.
Durante el ceremonia del cambio de mando, canda Remigo y To-ong ya recivi el medalla de la cruz de bronze (Bronze Cross Medal) por el de ila excepcional actuacion durante el operaciones del seguridad maritima na lugar de responsibilidad del NFWM.
Si Tagamolila ya extende su caloroso bienvenida canda Abrenica y De Luna, expresando su todo confianza y confidencia con el de ila abilidad para guia con el dos mando na derecho direccion. (B. Garcia)