El gobierno local ya entrega mga ambulancias con dos agencias de gobierno nacional en liña na advocacia para mejora el respondida de emergencia.
Con el dos ambulancias personalmente ya entrega el Alcalde John Dalipe de este dia de Martes na Civil Aviation Authority of the Philippines (CAAP) y Bureau of Corrections (BuCor).
Asegun con Dr. Elmeir Apolinario, el jefe del City Disaster Risk Reduction and Manageent Office (CDRRMO), con el mga ambulancias ya recivi canda Engineer Roderick Tugade, el manager del CAAP na ciudad, y si Chief Superintendent Daisy Sevilla-Castillote, el interino superintendente del del BuCor.
Asegun con Apolinario, el dos ambulancias que ya entrega con el CAAP y BuCor es parte del 10 unidades que ya inagura el gobierno local del Lunes.
El Gobierno local ya compra 10 ambulancias para mejora el respondida medical de salud ng mga barangays na ciudad de Zamboanga.
Si Dalipe ta impulsa el respondida medical de salud iniciando continuamente medidas por medio de proporcionar logisticos y otro programas y proyectos. (B. Garcia)