El tropas del 102nd Infantry Brigade, hunto con el mga unidades controlando operativamente, ya dona sangre para suporta con el necesidades de assistencia sanitaria local durante un actividad de sangria, asegun con el militar del Martes.
Asegun con el 102Bde, el actividad de sangria ya hace del Lunes na quartel del 102Bde na Barangay Sanito, Ipil, el capital del provincia de Zamboanga Sibugay.
El donacion de sange ya participa el diferentes unidades, incluido el 102Bde, 109th Infantry Battalion, Charlie Company del 1st Field Artillery Battalion y el 11th Cavalry Company del 1st Cavalry Battalion.
“El de ila esfuerzo colectivo ta demostra el compromiso para fomenta el salud y bienestar na mga comunidades que ta servi sila,” el 102Bde ya habla na un declaracion del Martes.
Asegun con el 102Bde, el significante contribucion es parte del en curso memorando de acuerdo de asociacion con el hospital provincial—el Dr. George Hofer Medical Center—que ya formaliza del Marso este año.
El 102Bde ya declara cay el mando ta esta dedicao na de ila mision hinde lang para asegura el paz y seguridad pero ta suporta tamen conel bienestar y salud del comunidades por medio de hacer actividad con grande efecto na comunidad. (B. Garcia)