El governo local ya distribui P6.4 millones ayuda financial trimestral con 6,433 personas mayores na tres barangay na ciudad de Zamboanga, asegun con el oficina de informacion publico del city hall del Sabado.
El mga recipientes personas mayores amo mga residentes del barangay de Mampang, Talon-Talon, y Tugbungan, quien ya recivi de ila ayuda financial trimestral desde’l dia de Jueves hasta Viernes.
Asegun con el oficina de informacion publico del city hall, cada uno del mga recipiente personas mayores ya recivi P1,000 ayuda financial trimestral.
Na primer dia del distribucion, total de 3,220 personas mayores el ya recivi de ila ayuda financial trimestral y 3,213 na siguiente dia.
Na total beneficiarios, 1,934 desde Barangay Tugbungan, 2,522 de Talon-Talon, y 1,977 de Mampang.
El Alcalde John Dalipe ya encabesa con el distribucion del ayuda financial con mga beneficiarios.
Ya man hunto con el alcalde na distribucion del ayuday financial mga personajes del Oficina de Bienestar Social y Desarollo del Ciudad, Oficina del Teroreria, y mga oficiales del barangay. (B. Garcia)