El Departamento de Obras Publicas y Carreteras, o DPWH, ya completa el construccion del P13 millones “farm-to-market road (FMR)” para dale segurao y mas eficiente transporte para agricultores na uno del mga barrios na ciudad de Zamboanga, asegun con el DPWH del Sabado.
Asegun con el DPWH, con el nuevo camino ya construi na Sitio Buenagatas, Barangay Boalan, ocho kilometros na costa este desde’l centro del ciudad.
Asegun con el DPWH, con el proyecto del FMR ya implementa con el alocacion del fondo bajo’l Ley General de Asignaciones de 2023.
El DPWH ya habla, el nuevo cementao camino tiene el total largor de 390 metros de esquenita con el anchor de sinco metros.
Antes del completada del camino, el mga siembradores na Sitio Buenagatas ta enfrenta dificultad transporta de ila productos para na Mercado publico.
Asegun con el DPWH, el terreno desafiante y mal condiciones del carretera hinde lang ta hace dificil con el de ila capacidad para vende de ila productos pero ta afecta tamen con el de ila primaria manera de busca lavida.
El DPWH ya habla, el nuevo camino ta dale mas accessible y segurao ruta, mejorando con el transportada del productos agricultural. (B. Garcia)