El gobierno local ya aloca P27 millones fondo para usa na conducida del “Zamboanga Peninsula Regional Athletic Association (ZPRAA)” aqui na ciudad del Zamboanga.
Asegun con el Alcalde John Dalipe del Martes, el fondo estaba na “Special Education Fund” bajo el presupuesto ejecutivo o “executive budget” del año 2024.
El un semana ZPRAA ay comenza na Domingo, Abril 21, y hay participa mas o menos 10,000 mga estudiante-atletas, entrenadores, y mga oficiales tecnico desde el total de ocho delegaciones estaba na diferentes parte del region.
Del Lunes, ya man hunta si Dalipe con el mga comite organizador donde ya finaliza sila el preparaciones para el de todo grande evento de deportes na region.
Uno del cosa ya descuti durante el hunta, amo el disposicion del 10 vehiculos cada uno del ocho delegaciones.
El concida del ZPRAA este año aqui na ciudad ya vene despues de 18 años. (B. Garcia)
