28.9 C
Manila
Friday, April 19, 2024

Zamboanga: Gobierno local ay construi edificio para oficina del ‘BOSS’

- Advertisement -

El gobierno local hay construi un tres andanas edificio para servi como el oficina de “Business One Stop Shop (BOSS)” del ciudad de Zamboanga.

Asegun con el Alcalde John Dalipe, quien ya encabesa con el ceremonia de inauguracion para el proyecto, con el P52 millon edificio del BOSS hay construi na Plaza del Pilar na Barangay Zone 4, en este ciudad.

Si Dalipe ya habla, con el edificio que tiene el anchor de mas of menos 478 metros cuadrado, hay construi el un privado compania de construccion bajo’l supervision del Oficina del Enginieria del Ciudad.

Con el primer piso y entresuelo (mezzanine) del edificio hay usa todo’l agencias envuelto na operaciones del BOSS mientras el divisiones de permisos de construcción y permisos de ocupación del Oficina del Enginieria del Ciudad hay ocupa con el terser piso.

Si Benjie Barredo, el jefe de licencias del ciudad, ya expresa su alegria cay el proyecto, que ya conceptualica cuantos años ya el pasa, finalmente ay materializa ya.

Bajo na sistema del BOSS, todo’l agencias envuelto pa procidimiento del licensia de negocio hay esta hunto na un lugar para de fronto el transaccion na aplicacion del permiso de neogicios.

(B. Garcia, photo courtesy of City Hall PIO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -