El Sangguniang Kabataan desde Barrio Mampang, ya conduci seminar aserca de Gender and Development (GAD), por medio con el Committee on Social Inclusion and Equity, na socio con el Gender and Development Services del govierno local de Zamboanga.
Tiene titulo, “Empowered Youth: A Seminar on Gender and Development,” el programa amo para mas ancha el sabidurias del maga juventud sobre el gender awareness, equality, y social inclusion.
Si, City Gender and Development Officer Wilfredo J. Aporongao, el conferenciante na evento quien ya explica el concepto del Genero y desarrollo y enfatizando el importancia de igualdad de genero na construida del un inclusivo y progresivo comunidad.
Durante su discusion, ya explica le el diferencia entre sexo y genero (sex and gender), ya discuti tambien el common gender roles and stereotypes, y ya anima con el todos para promove el igual derechos, oportunidad, y respeto na todos propiedad, omentos pa cay jende lang asegun el Gender and Development ta enfoca con el maga mojeres sino el ataque para proporciona el desarollao igual oportunidad a todos, masquin cosa pa el su sexo.
Ahora, el maga juventud (youth) quien ya participa na seminario (seminar), ya obtene hondo entendimiento aserca el gender-related issues y el importancia de un inclusivo y respetuoso postura que ta trata na otro individual.
Ta dale tambien coraje canila, para haber queda defensor na gender responsiveness y positivo cambio dentro na diila familias, escuelas y comunidades.
Asegun, con el Sangguniang Kabataan del Barangay Mampang, cay el programa es parte na diila continuando esfuerzos, para aumenta el sabidurias y habilidad del maga jovenes, por medio na eduacion y colaboracion con el agencias del govierno que ta promove inclusivo desarollo.
Mientrastanto, el Gender and Development Services of the City of Zamboanga, ta reafirma el suporta na programa que ta mejora consciente na sensibilidad de genero y empodera comunidad, especialmente el juventud, es socios na avanza del igualdad de genero y el sostenible desarrollo. (Keith Luna)
Photos courtesy via: GAD of Zamboanga City