El Fuerza Naval ta continua fortalece su presencia na clave lugar de maritima usando con el BRP Ramon Alcaraz (PS16), el segundo barco del clase de Gregorio del Pilar, para conduci patrulla de maritima y soberania na Filipinas del Sur.
El zona de maritima na Filipinas del Sur ta cae dentro del lugar de operaciones del Fuerza Naval na Oeste Mindanao, o NFWM.
“Este mga patrulla ta reinforza con el seguridad del aguas Filipinas, salvaguardar el comercio maritima, y suporta con el estabilidad regional,” si Rear Admiral Francisco Tagamolila Jr., el comandante del NFWM, ya habla na un anuncio.
Si Tagamolila ya habla, el PS16 ya man patrulla na mar del islas de Sibutu, Sicalangcalong, y Bongao na Tawi-Tawi del Martes, asegurando el seguridad del barco comerciales y pescador Filipinos.
Si Tagamolila ya habla, el patrulla ya mejora mas por medio de vigilancia auditiva usando un helicoptero naval, proporcionando monitoreo en tiempo real y ya extende el lugar de operativo.
Asegun con Tagamolila, durante el patrulla, el PS16 ya monitoria 18 barco comerciales, todo operando normalmente sin preocupaciones de seguridad. (B. Garcia)