Un establicimiento de negocio el ya quema na un incidente de incendio na centro del pueblo na ciudad de Zamboanga, asegun con el Zamboanga City Fire District (ZCFD) del Martes.
Si Superintended Christopher Morales, el marshal del ZCFD, ya habla el incendio ya ocuri mga alas 4:50 del Lune saga na Avenida Climaco, Barangay Zone 2, ciudad de Zamboanga.
Si Morales ya identifica con el dueño del establicimiento de negocio ya quema como si Kal Kerby Banzon.
Asegun con Morales, el incendio que ya alcansa na primer alarma, ya puede controla mga alas 5:03 del aga y completamente ya apaga mga alas 5:22 del aga.
Nohay quien ya desgracia o iri durante el incidente de incendio, asgun con Morales.
Si Morales ya habla, el estimao destroso de propiedad ya alcansa na P1.4 millones.
El mga bombero ya determina pa si cosa el causa del incendio. (B. Garcia)