Un empleado de gobierno el ya muri na un incidente de tiroteo na provincia del Basilan, asegun con el policia del Viernes.
El policia ya identifica con el fatalidad como si Richard Piedad, 49 años el edad, y un asistente administrativo 5 del gobierno del ciudad de Lamitan, Basilan.
Asegun con el policia, el incidente ya ocuri mga alas 10:30 del Jueves denoche na Purok 9, Barangay Colonia, ciudad de Lamitan.
Asegun con el policia, sintao na un tienda si Piedad cuando derepente ya abuya el dos desconocidos personas muntao na un motorcciclo y ya tira con el victim.
Enseguidas ya escapa el mga suspechao mientras con el victima ya lleva na hospital pero ya declara conele muerto el doctor. El policia na ciudad de Lamitan ya continua del ila investigacion para determina el motivo y identifica con el mga echor del incidente. (B. Garcia)