El Brigader. Heneral Denie Mar Clemencia, hefe del Armed Forces of the Philippines Finance Center (AFPFC) ya visita del ayer na Western Mindanao Command. El Heneral ya llama kortesiya con el Western Mindanao Commander Lt. Gen. Alfredo Rosario Jr. na unit’s headquarter na Camp Navarro, Calarian en este ciudad.
El maga officers y personahes del WestMinCom ya ekspresa enhorabuena con el maga mencionao visita con company-sized honor de militarya.
Si Lt. Gen. Rosario Jr. asegun ya recivi con Heneral Clemencia y el maga comandante na Laong Laan Hall del command.
Si Brig. Gen Clemencia ya ekspresa su gratitud con el familia del WestMinCom por el kalyente enhorabuena que ya ekstende con ele durante el disuyu visita con Lt. Gen Rosario Jr. Ya habla si Lt. Gen Rosario Jr. que bien swerte ele cay ya visita con ele el uno del maga significante hente del Armed Forces.
El hefe del AFPFC ya visita tambien con el 16th Finance Service Unit. El mencionao unit asegun baho na hurisdiksyon del AFP Finance Center y tenant unit del WestMinCom. Huntu tambien con Brig. Heneral Clemencia el disuyu muher y maga personahes. (Erica B. Javier)