El ciudad de Zamboanga amo siempre el ta esta grande y lijero ta crisi el economia na entero region cay el economia local consistente ta crisi desde’l nivel de P125.05 billon durante el pandemia para na P139.47 billon del 2022.
Ese el datos que ya presenta el oficina del City Planning and Development Coordinator (CPDCO) durante el junta del City Development Council (CDC) del Martes.
El Alcalde John Dalipe, ya convene con el CDC para evalua el mga acomplisimiento para el año 2022.
Asegun con el CPDCO, el sector de servicio amo el de todo grande contribucion na crisida del economia local con 55 per ciento y ta sigi segundo el sector de industria con 35.1 por ciento y sector de pescaria y agrosilvicultura (agri-forestry) con 9.6 por ciento.
El tres importante industria o sector ya registra crisida de 11.9, 4.4 y 1.7 por ciento respectivamente del pasao sinco años. (B. Garcia, photo courtesy of City Hall PIO)