El Departamento de Bienestar Social y Desarollo, o DSWD, ya distribui P5.3 millones ayuda financial con 2,695 residentes de tres barangays na primer distrito del ciudad, asegun con el DSWD del Domingo.
El distribucion del ayuda financial ya hace del Sabado el DSWD por medio del programa del agencia nombrao como el Assistance to Individuals in Crisis Situation (AICS).
Asegun con el DSWD, el distribucion del AICS ya conduci na gimnasio del Zamboanga Peninsula Polytechnic State University na Barangay Baliwasan.
El DSWD ya habla, cada un beneficiarios ya recivi P2,000 ayuda financial.
Ya recivi tamen sila cada uno cinco kilos de arroz courtesia del Congresista Jose Manuel Dalipe del segundo Distrito y Alcalde John Dalipe.
Asegun con el DSWD, el mga benficiarios del AICS amo mga residentes del barangays de Baliwasan, Campo Islam, y Pasonanca. (B. Garcia)