El gobierno local, por medio del Housing and Land Management Division (HLMD), ta hace el necesario preparacion para el observacion del Urban Poor Solidarity Week (UPSW) na ciudad.
Asegun con Marissa Aizon, el asistente ejecutiva, el UPSW hay conduci desde Deciembre 1 hasta Deciembre 8.
Asegun con Aizon, el serie de actividades hay comensa na Deciembre 1 con caminata solitaria desde na City Hall para na Granstand donde hay tene un corto programa.
Hay conduci un mision medical na Deciembre 5 na Philippine Red Cross-Zamboanga Chapter na Pettit Barracks.
Asegun con Aizon, el mga interesao residentes puede aprovecha libre servicios medico y odontologia, chekiada de ojos, y libre cortada de pelo.
Si Aizon ya habla, hay conduci tamen sila actividad de donacion de sangre na mismo dia.
Si Aizon ya habla, el Oficina del Veterinario del Ciudad hay conduci clavada de bakuna contra rabies mientras del Oficina de Agricultura hay distribui libre pipita de gulay.
El UPSW es un annual celebracion ta observa na entero pais de conformidad con el Proclamacion Numero 367. (B. Garcia)Â