El Departamento de Obras Publicas y Carreteras o DPWH ya mejora y reconstrui con el destrosao seccion del camino del Pagadian-Zamboanga City na municipio de Tukuran, Zamboanga del Sur.
Asegun con Engineer Cayamombao Dia, el director regional del DPWH, el P50 million valor de proyecto envuelto el componida del 3.8 kilometros del dos esquinitas na medio del existente cuatro esquenitas camino atravesando na Barangay Camanga, Tukuran.
“El objetivo de este proyecto amo para mejora el seguridad na camino y facilita el suave viaje del mga residentes y pasajeros, beneficiando mga 40,000 vivientes na lugar,” ya habla si Dia.
El caracteristica del proyecto es un 3.35-metro calzada, reteniendo dindin en intermitente secciones, y termoplastico seniales para el major visibilidad durante el noche.
El oficina de enginieria na primer distrito del DPWH-Zamboanga del Sur amo el ya supervisa con el implementacion del proyecto.
El completao trabajo ta refleha del compromiso del DPWH para mejora mga infrastractura y asegura el confiabilidad del connecion del vital transportacion. (B. Garcia)