El City Disaster Risk Reduction Management Office (CDRRMO) ya reporta cay mas o menos 1,370 familiares compuesto de mas the 3,785 individuales el ya evacua para na mga lugar librao por causa del avenida ya ocuri na diferentes parte del ciudad de Zamboanga.
Asegun con el CDRRMO, el mga afectao familiares amo mga residentes del 12 del 98 barrios del ciudad que afectao na avenida que ya causa el recio ulan.
El avenida ya ocuri despues que el ciudad de Zamboanga ya experiencia recio ulan desde Viernes hasta este dia de Sabado por causa del habagat.
Asegun con el CDRRMO, el mga afectao familiares ta esta ahora na mga escuelas, barangay halls, covered courts y otro centro de evacuacion.
Asegun con el CDRRMO, el numero del mga afectao familiares esperansao omenta cay ta continua pa perfila y evalua el Oficina de Bienestar Social y Desarollo del Ciudad en colaboracion con el mga concierne consejo de barangay.
Mientras tanto, el Alcalde John Dalipe ya dirihi con mga concierne departmentos del gobierno local para asegura el distribucion del mga necesidades del mga familiares afectao na avenida. (B. Garcia)