El Departamento de Obras Publicas y Carreteras, o DPWH, exitosamente ya mejora mayoriya del mga hinde pa cemetao camino na provincia del Zamboanga del Norte.
Asegun con el DPWH-Zamboanga Peninsula, el mga camino que ya mejora el agencia locao na municipio de Baliguian, significamente mejorando el infraestructura de transportacion.
Asegun con el DPWH-Zamboanga Peninsula, el extento del proyecto ya inclui el construccion del espalda na ambos lao del camino, asegurando mejorao seguridad para con mga motoristas.
“Este mejorada ya contribui na mas alto estandarte de viaje, ofreciendo segurao caminos, permitiendo repuestas de emergencia mas rapido y reducido hora de viaje desde un hora y 30 minutos para na 40 minutos,” el DPWH-Zamboanga Peninsula ya habla na un anuncio.
El alocacion de P40 millones fondo para el proyecto estaba na Ley General de Asignaciones de 2024.
El proyecto de cementada de camino hay mejora el viajada del mga bienes y servicios, asegurando facil accesao para na mercado, cuidada de salud y educacion, promoviendo el desarollo comunitario. (B. Garcia)