El Departamento de Obras Publicas y Carreteras, o DPWH, exitoso ya completa con el construccion del un edeficio de dos cuartos de estudios para resolve con el necesidad creciento para espacio aducativo adicional na uno del mga municipios na Zamboanga del Sur.
Asegun con el oficina regional del DPWH del Martes, con el proyecto ya implementa na escuela de elementaria na Barangay Nangan-Nangan, Tigbao, Zamboanga del Sur.
Asegun con el DPWH, el fondo para na implementacion del P4.9 millones proyecto estaba na Ley General de Asignaciones de 2023 o General Appropriations Act of 2023.
El proyecto tiene el caracteristicas de un andana edeficio con espacioso cuarto de studio, y escusao para del hombres, mojeres, y personas con discapacidad.
Proporcionando un mas confortable y conducivo medio ambiente, asegun con el DPWH el edeficio de escuela esperansao mejora con el general actuacion academico y bienestar del mga estudiantes, apoyando el viaje academico de los jovenes estudiantes na region.
Con el proyecto ya implementa el oficina del segundo distrito de ingenieria del DPWH na Zamboanga del Sur. (B. Garcia)