El Departamento de Obras Publicas y Carreteras, o DPWH, ya completa con el construccion del P9.8 millones camino de acceso, mejorando el servicios esenciales na uno del mga barrios na municipio del Bayog provincia del Zamboanga del Sur.
Asegun con el oficina regional del DPWH del Martes, con el camino de acceso ya construi na Purok 7, Barangay Kahayagan, Bayog. Asegun con el DPWH, el proyecto tiene el largor de 712 metros lineal, con caracteristicas de sinco metros anchor y gruesor de .20 metros.
El nuevo camino significamente mejora el conectividad local, asegurando mas segurao y mas rapido servicio de transportacion con mga residentes y siembradores,” el DPWH ya habla na un anuncio.
El camino ya mejora el acceso na servicios esenciales y aumenta oportunidades economico, particularmente na agricultura, facilitando el movimienteo de mercancias na Mercado,” el DPWH ya omenta.
Asegun con el DPWH, este infraestructura ta descata el dedicacion del agencia para fomenta progreso y eleva con el comunidades. El fondo para el implimentacion del proyecto estaba na Ley General de Asignaciones de 2024.
Con el proyecto ya implimentea el Oficina de Ingeniria del Segundo District del DPWH na Zamboanga del Sur. (B. Garcia)